ഞാനും വന്നോട്ടെ നിന്നോട് കൂട്ടുകൂടാന്‍ !!!!!!!!!!!!

ഹാ! അങ്ങ് ദൂരെ ഞാന്‍ കാണുന്നു ഒരു അതിമനോഹര താഴ്‌വാരം ..
എവിടെയും പച്ചപ്പ്‌ നിറഞ്ഞ പുല്‍മേടുകള്‍..
അവിടവിടെ ആരുടെയോ കാലടികള്‍ വിരിച്ച മനോഹര നടപ്പാതകള്‍..
കൂട്ടംകൂട്ടമായീ മേയുന്ന ആട്ടിന്‍പറ്റങ്ങള്‍...
അവരെ മേക്കാനായീ അലഞ്ഞു തിരിയുന്ന ആടിടയന്മാര്‍..അവരുടെ കേളികള്‍...
കായ്കനികള്‍ പറിച്ചു തിന്നുന്ന കുരുന്നു ബാലിക ബാലകന്മാര്‍...
താഴവരത്തിന്റെ അരികിലൂടെ ശാന്തമായൊഴുകുന്ന തെളിനീര്ചോല..
അത് കുടിക്കാന്‍ ഓടിയണയുന്ന പക്ഷിമൃഗാദികള്‍ ..
അവരുടെ കള കൂജനം..
അങ്ങിങ്ങായീ തലയുയര്‍ത്തി നില്‍ക്കുന്ന വൃക്ഷരാജവൃന്തം...
അതില്‍ കൂടൊരുക്കാന്‍ അശ്രാന്തപരിശ്രമം ചെയ്യുന്ന ഇണക്കിളികള്‍.....
അവിടവിടെ തൂങ്ങികിടക്കുന്ന കിളിക്കൂടുകള്‍.. ഇവിടെ ആര്‍ക്കും ആരോടും പകയില്ലാ ..
വെറുപ്പില്ലാ. അമിത അധികാരമോഹങ്ങള്‍ ആരെയും ഭ്രാന്തു പിടിപ്പിക്കുന്നില്ലാ...
ഒത്തുതീര്‍പ്പാകാത്ത വഴക്കില്ലാ.. മാംസദാഹമില്ലാ ...
അല്ലയോ പ്രകൃതി രമണീയ സുന്ദരഭുമീ നിന്റെ ആ നെഞ്ചില്‍ എനിക്കും ഒരല്പം സ്ഥാനം തരുമോ?..
ഈ കാപട്യലോകത്തിലെ എന്റെ എല്ലാ വേദനകളെയും ഇറക്കി വച്ച് ഒരു കുഞ്ഞു പൂമ്പാറ്റയായീ ഞാനും വന്നണഞോട്ടേ നിന്റെ വിരിമാറില്‍... ഒരു കുഞ്ഞു മാലാഖയെപോലെ...